Ana səhifə Siyasət |
Qazaxıstanın paytaxtı Astanada Suriya üzrə danışıqların ilk günü yekunlaşıb.
Axar.az xəbər verir ki, bu barədə Suriya müxalifətinin nümayəndəsi Yəhya əl-Aridi məlumat verib.
Bir qədər əvvəl məlumatlı mənbənin bildirdiyinə görə, Astanada məsləhətləşmələr Suriya hökuməti və müxalifəti arasında əlaqəli şəkildə, BMT baş katibinin xüsusi nümayəndəsi Staffan de Misturanın vasitəçiliyi ilə keçirilib. Danışıqlarda Suriyada atəşkəsin saxlanması mexanizmləri müzakirə olunub.
Danışıqlarda, ümumiyyətlə, yeddi tərəf iştirak edir. Bu sıraya Suriya hökuməti və müxalifətinin təmsilçiləri ilə yanaşı, Rusiya, Türkiyə və İranın nümayəndə heyətləri, həmçinin BMT baş katibinin Suriya üzrə xüsusi nümayəndəsi və ABŞ-ın Qazaxıstandakı səfiri daxildir.
Danışıqlar sabah davam etdiriləcək.
Tarix
2017.01.23 / 23:30
|
Müəllif
Pərviz Həsənov
|