Ana səhifə Siyasət |
Millət vəkili Qənirə Paşayeva Mərakeşin tanınmış təşkilat rəhbərləri ilə görüşüb.
Axar.az xəbər verir ki, millət vəkili görüşdə Azərbaycanda qadınların cəmiyyətdə rolunun artırılması istiqamətində görülən işlər, ölkəmizin Birinci vitse-prezidenti Mehriban Əliyeva başda olmaqla Azərbaycan qadınlarının cəmiyyətdə rolu və Azərbaycan həqiqətləri ilə bağlı məlumatlar verib.
Q.Paşayeva Mərakeş heyətinə Ermənistanın işğal etdiyi Azərbaycan torpaqlarında törətdiyi vandalizm aktları ilə bağlı da məlumatlar verib:
“1 milyon azərbaycanlı, yüz minlərlə azərbaycanlı qadının Ermənistanın işğalı nəticəsində öz yurd-yuvalarından qaçqın və məcburi köçkün düşüb, onların fundamental insan haqlarının bu gün də Ermənistan tərəfindən pozulmaqda davam edir. Dünyanın harasında yaşamasından asılı olmayaraq bütün qadınlar, xüsusilə də beynəlxalq aləmdə nüfuzlu qadınlar Ermənistanın törətdiyi bu kimi vandalizm aktlarına, körpə uşaqları qətlə yetirməsinə öz etiraz səsini ucaltmalıdır”.
Azərbaycanla dostluğun inkişafına önəm verdiyini deyən nümayəndə heyəti iki ölkə arasında münasibətlərin getdikcə inkişaf edəcəyinə inandıqlarını vurğulayıblar.
Tarix
2017.11.17 / 11:28
|
Müəllif
Aygün Yusibova
|