Ermənilərin 90%-i Qarabağı öz bədbəxtliklərinin mənbəyi sayır.

Axar.az xəbər verir ki, bunu Rusiyanın “Deyli Storm” qəzetinə açıqlamasında erməni tarixçi Vaqram Toxmacyan deyib.

“Paradoks var. 90% şəxs deyir ki, Rusiya Qarabağ konfliktini yaradıb, bu konflikti idarə edir və bu, bizim müharibə deyil. Bizim hamımızın bədbəxtliyi Qarabağ ucbatından yaranıb. Lakin eyni zamanda 90% şəxs də əmindir ki, biz Rusiyasız məhv olarıq. Mən bu paradoksu həll edə bilmirəm. Pul baxımından Ermənistanda hər ikinci ailədən kimsə Rusiyada çalışır. Bu, ailənin yeganə gəlir mənbəyidir. Belə olanların sayı təxminən 40%-dir. Kişilər Rusiyaya daha yaxşı münasibət bəsləyir. Ona görə ki, burada iş tapa bilirlər. Qadınlar isə Rusiyanı sevmirlər, çünki ərləri orada gizli şəkildə ikinci ailə saxlayır”, – deyə o bildirib.