Ana səhifə Siyasət |
Ermənistanın Xarici İşlər naziri Zöhrab Mnatsakanyan Paşinyan-İlham Əliyev görüşü barədə danışıb.
Axar.az xəbər verir ki, Mnatsakanyanla ATƏT-in fəaliyyətdə olan sədri, Slovakiyanın xarici işlər və Avropa naziri Miroslav Layçakın birgə mətbuat konfransında slovak jurnalist Ermənistan və Azərbaycan liderlərinin növbəti görüşünün vaxtı ilə bağlı sual verib və görüşü Bratislavada keçirməyi təklif edib.
Bratislavanın müxtəlif görüşləri keçirmək üçün əla məkan olduğuna əminliyini ifadə edən Mnatsakanyan erməni tərəfinin ötən ilin mayından etibarən prosesə fəal şəkildə cəlb olunduğunu bildirib.
“Müxtəlif səviyyələrdə görüşlər keçirilib. Biz ATƏT-in Minsk Qrupunun formatına tamamilə güvənirik və növbəti mərhələni gözləyirik. Biz danışıqların növbəti mərhələsinə konstruktiv ruhda irəliləyirik”, - erməni nazir deyib.
Mnatsakanyan liderlərin görüşü barədə işlərin aparıldığını və buna görə də səbrli olmağı, vaxtı çatanda dəqiq tarixin açıqlanacağını bildirib.
Tarix
2019.03.13 / 14:25
|
Müəllif
Orxan Tağıyev
|