Paşinyan Qarabağ məsələsində kobud səhvə yol verir.

Axar.az xəbər verir ki, bu məlumatı öz Feysbuk səhifəsində erməni politoloq Ayk Martirosyan paylaşıb.

“Qarabağda keçirilən “müştərək təhlükəsizlik şurası iclası”nın müqəddiməsi çətin situasiyanı pisləşdirir. Belə ki, milləti çöküşə aparan proqram Ermənistanın daha çox modifikator şəklində göstərilməsi yoluyla daha da güclənir. Qarabağla bağlı razılaşmada dəyişikliklər həll deyil. Bu tələdən çıxış yoxdur. Madrid paketi çərçivəsində ziqzaqlara çox da baxılmır, ona görə ki, ziqzaqlar İrəvanı daha asılı vəziyyətə salır”, – deyə o bildirib.

Martirosyan Paşinyanın özünün xarici siyasəti ilə bağlı mütəxəssislərin fikrinə qulaq asmadığını və səhv yolda qalmağa davam etdiyini bildirib. O, başa nazirin mütəxəssislərə deyil, öz ətrafındakı diletantlara qulaq asdığını söyləyib:

“Paşinyanın götürdüyü yol bəlaya gətirib çıxaracaq. Cəmiyyət tərəfindən bu vektorun səssiz müşahidəsi tarixi fiaskoya gətirib çıxara bilər. Mütləq hakimiyyətə təzyiq göstərib, keçmişdən gələn təhlükəli kursu dayandırmaq olar. Hakimiyyəti Qarabağ yanaşmasında inqilabi dönüşə məcbur etmək lazımdır. Əks təqdirdə biz Ermənistanı itirmək riski ilə üz-üzə qalacağıq”.

Qeyd edək ki, bundan öncə Qarabağ separatçıları da eyni arqumentlə çıxış etmişdilər.