Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
10 Dekabr 2019


Lavrov Bakıda nələri müzakirə edəcək?

Ana səhifə Siyasət
12 Punto 14 Punto 16 Punto 18 Punto

Rusiya Federasiyasının xarici işlər naziri Sergey Lavrov bu gün iki günlük rəsmi səfərlə Bakıya təşrif buyuracaq. Səfər çərçivəsində Azərbaycan Respublikasının Prezidenti İlham Əliyevlə görüş və XİN rəhbəri Elmar Məmmədyarovla danışıqlar nəzərdə tutulub.

Axar.az xəbər verir ki, bu barədə məlumatı TASS yayıb.

“Xarici işlər naziri Elmar Məhərrəm oğlu Məmmədyarovla danışıqlar zamanı ikitərəfli əməkdaşlığın əsas məsələlərinin müzakirəsi planlaşdırılır. Dağlıq Qarabağ münaqişəsinin nizamlanması da daxil olmaqla beynəlxalq və regional problemlər barədə fikir mübadiləsi aparılacaq”, - deyə Rusiya XİN səfəröncəsi qeyd edib.

Nazirliyin məlumatına əsasən, tərəflər həmçinin 2020-ci il üçün konsultasiya planı imzalayacaqlar.

Moskva ölkələr arasında mövcud olan siyasi dialoq naminə ənənəvi olaraq hər il baş tutan, siyasi, ticari-iqtisadi və mədəni-humanitar sahələrdə iki ölkənin əməkdaşlığına yönəlmiş qarşılıqlı səfərlərin vacibliyini qeyd edir.

Təkcə 2019-cu ildə ən yüksək səviyyədə iki görüş baş tutub. Azərbaycan və Rusiyanın Prezidentləri Vladimir Putin və İlham Əliyev aprel ayında Pekində “Bir kəmər, bir yol” beynəlxalq əməkdaşlıq forumu çərçivəsində danışıqlar aparıblar, oktyabrın 3-də isə Soçidə “Valday” beynəlxalq diskussiya klubu çərçivəsində görüş keçiriblər. Ölkə rəhbərlərinin növbəti görüşü dekabrın 20-də Sankt-Peterburqda nəzərdə tutulub.

Bundan əlavə, oktyabr ayında Rusiya Baş naziri Dmitri Medvedyevlə azərbaycanlı həmkarı Əli Əsədov arasında MDB Hökumət Başçıları Şurasının iclası çərçivəsində danışıqlar olub. Ötən ay Azərbaycanın Birinci vitse-prezidenti Mehriban Əliyeva Rusiyaya rəsmi səfər edib. Onu Rusiya Federasiyası rəhbəri, baş nazir və Federasiya Şurasının spikeri Valentina Matviyenko qəbul edib.

Tarix
2019.12.02 / 11:29
Müəllif
Vüsal Cəfərov
Şərhlər
Digər xəbərlər

İrəvanda panika: Bakı ilə Ankaranın gizli Meğri planı? - Video

Məmmədyarov Latviyaya gedir

İlham Əliyev 1 sərəncam, 1 fərman imzaladı

Erməni mediası: Rusiya İrəvanı Qarabağa görə tələsdirir - Video

İlham Əliyev İordaniya kralı ilə görüşdü

İordaniya kralı Bakıya gəldi

BMT-də qətnamə: İrəvan Moskvanı dəstəklədi, Bakı isə...

İlham Əliyev 3 sərəncam imzaladı

İlham Əliyev Zelenskiyə məktub göndərdi

Paşinyan Petrosyanın intiqamını alır - Analitik

KULT
<>
Xəbər xətti
 
  
  
  
  
Axar.az'da reklam Bağla
Reklam
Bize yazin Bağla