Ana səhifə Siyasət |
Gürcüstan əhalisinin 52%-i Bidzina İvanişvilinin fəaliyyətini neqativ dəyərləndirir.
Axar.az xəbər verir ki, bu nəticə “Edison Risöç” saytının keçirdiyi sorğudan sonra ortaya çıxıb.
Baş nazir Georgi Qaxariyanın fəaliyyətini əhalinin 35%-i neqativ, 65%-i pozitiv, Tiflis meri Kaxa Kaladzeni 45%-i neqativ, 55%-i pozitiv, Müdafiə naziri İrakli Qaribaşvilini 55% neqativ, 45% pozitiv olaraq dəyərləndirib.
Sorğu iştirakçılarının 59%-i parlamentdə yeni partiya və ya digər partiyaların koalisiyasını görmək istədiklərini bildirib. 41% Gürcü Arzusunu hakim partiya kimi dəstəklədiyini açıqlayıb.
Müxalifətin parlament seçkisində qalib gələcəyi təqdirdə ölkənin gələcəyinin yaxşı olacağını düşünənlər əhalinin 56%-ni təşkil edib.
Sorğu iştirakçıları ən çox güvəndikləri partiyaların adını da açıqlayıblar. Siyahıya 36% səslə Yeni Gürcüstan Naminə Hərəkat rəhbərlik edib. Ondan sonrakı yerdə Avropa Gürcüstanı Partiyası (35%), Leyborist Partiyası (33%), Gürcü Arzusu Partiyası (33%), Vahid Milli Hərəkat Partiyası (29%), Vətənpərvərlər Alyansı Partiyası (29%), Lelo Partiyası (27%) və digərləri qərarlaşıb.
Gürcülərə görə, Saakaşvili dönəmində ölkədə vəziyyət hazırkı hakimiyyətdən daha yaxşı olub. Bu fikri müdafiə edənlər əhalinin 76%-ni təşkil edib. Gürcülər xarici dövlət sırasında ən çox Ukraynaya (93%) güvəndiklərini açıqlayıblar. Ondan sonrakı yerdə ABŞ (92%), Britaniya (90%), İsrail (85%), Türkiyə (74%), Azərbaycan (73%), Ermənistan (68%), İran (56%), Rusiya (28%) qərarlaşıb.
Əhalinin 92%-i Avropa Birliyi və NATO-ya inandığını bildirib.
Tarix
2020.07.17 / 13:35
|
Müəllif
İlkin Həsənov
|