Ana səhifə Siyasət |
Azərbaycan faşist Ermənistana qarşı Vətən müharibəsi apardığı çətin anlarda Xəzərin o tayındakı qardaş türk xalqlarının doğma səsini eşitmir.
Axar.az xəbər verir ki, bu sözləri Birinci Qarabağ müharibəsinin iştirakçısı, siyasi ekspert Elxan Ələsgərov deyib.
Ekspert ölkəmizin bu çətin anlarında TÜRKSOY təşkilatının səssiz qaldığını dilə gətirib:
“Bizə dünyanın hər yerindən qardaşlarımız və yaxın qonşularımız Türkiyə, Pakistan, Özbəkistan, Əfqanıstan, Gürcüstan, İran, Macarıstan, Moskva, Dağıstan, Tatarıstan, Başqırdıstan, hətta Rusiyadan dəstək oldular. Lakin Türkmənistan, Qazaxıstan, Qırğızıstan, Tacikistandan dəstək səsləri eşitmirik. Hətta yaradılmasına böyük sərmayə yatırdığımız TÜRKSOY təşkilatı belə kənarda qaldı. Siz haradasınız, əziz qardaşlar? Nədən və kimdən qorxursunuz? Türk və islam sivilizasiyasının mərkəzlərindən biri olan qədim Gəncə şəhərinin dinc sakinlərini ballistik raketlərlə məhv etməyə çalışanlardan? Azərbaycan xalqı kənar dəstək olmadan da düşməni məğlub edəcək. Bəs sonra bir-birimizin gözünə necə baxacağıq?”
Tarix
2020.10.13 / 10:44
|
Müəllif
Xədicə Nəbiyeva
|