Ana səhifə Siyasət |
Ermənistanın baş naziri Nikol Paşinyan məğlubiyyətini etiraf etmək əvəzinə, hamını günahlandırır.
Axar.az xəbər verir ki, bu sözləri Ermənistan parlamentinin deputatı, İşıqlı Ermənistan Partiyasının sədri Gevorq Qargisyan deyib.
Parlamentdə Ermənistandakı hərbi vəziyyətin aradan qaldırılması məsələsinin müzakirəsində çıxış edən G.Qargisyan istehza ilə bildirib ki, N.Paşinyana görə, silahlı qüvvələr, Milli Təhlükəsizlik Xidməti, parlament və digər dövlət qurumları Ermənistanın məğlubiyyətinin günahkarlarıdır. Yalnız bir nəfər günahkar deyil, o da N.Paşinyanın özüdür:
"Bu, gülüncdür. Əslində isə məğlubiyyətimizdə başlıca günahkar Baş nazir Paşinyandır".
Deputat bildirib ki, Paşinyan bu qədər uğursuzluqdan sonra yenə də hakimiyyətdə qalmağa çalışır. Lakin o, müdriklik nümayiş etdirərək istefaya getməli, erməni xalqının və dövlətinin düşdüyü bu ağır vəziyyətdən çıxmasına imkan verməlidir.
Tarix
2020.11.26 / 20:07
|
Müəllif
Axar.az
|