Belarus Prezidenti Aleksandr Lukaşenko ilə Azərbaycan Prezidenti İlham Əliyevin Bakıda keçirilən qeyri-rəsmi görüşü 5 saat davam edib.

Axar.az xəbər verir ki, bu barədə Belarusun rəsmi agentliyi olan “Belta” məlumat yayıb.

Liderlər arasında hansı məsələlərin müzakirə olunduğunu açıqlanmayıb.

Bir müddət öncə Belarus Prezidentinin mətbuat xidməti məlumat yaymışdı ki, dövlət başçıları Belarus-Azərbaycan münasibətlərinin əsas istiqamətləri və ikitərəfli əməkdaşlığın strateji məsələlərini müzakirə edəcəklər. Lukaşenkonun mətbuat xidmətinə yaxınlığı ilə bilinən “Pul Pervoqo” Teleqram kanalı isə bildirib ki, qeyri-rəsmi görüşdə əsasən beynəlxalq məsələlər müzakirə olunub və danışıqların keçirildiyi otaqda prezidentlərə çoxlu sənədlər verilib.