Yuxarı

Azərbaycanla Ermənistan arasında sülh... - Joli

Ana səhifə Siyasət
12 Punto 14 Punto 16 Punto 18 Punto

Azərbaycanla Ermənistan arasında tezliklə sülhün əldə edilməsi səylərini dəstəkləyirik.

Axar.az xəbər verir ki, bunu Kanadanın xarici işlər naziri Melani Joli bildirib.

Kanada Azərbaycanlıları Şəbəkəsinin (Network of Azerbaijani Canadians - NAC) İdarə Heyətinin üzvlərini qəbul edib. Görüş zamanı Kanadanın azərbaycanlı icmasının fəaliyyəti və siyasi fəallıq prioritetlərindən söz açılıb.

Eləcə də Azərbaycan-Ermənistan arasında münasibətlər və Cənubi Qafqazdakı təhlükəsizlik vəziyyəti müzakirə edilib.

NAC İdarə Heyətinin üzvləri Azərbaycan ərazilərinin 30 ilə yaxın müddətdə Ermənistan tərəfindən işğal altında saxlanıldığı, bu ərazilərdəki əhalinin qovulduğu və azərbaycanlıların yaşadığı bütün yaşayış məntəqələrinin dağıdıldığını nazirin diqqətinə çatdırıblar.

44 günlük Vətən müharibəsi nəticəsində Azərbaycanın öz ərazi bütövlüyünü bərpa etdiyi və bölgədə yeni reallıqların yarandığı qeyd edilib. İşğaldan azad edilmiş ərazilərdə dağıntının miqyası və eləcə də Ermənistan tərəfindən kütləvi minalanmanın həyata keçirilməsi səbəbindən hələ də məcburi köçkünlərin öz doğma torpaqlarına qayıda bilməməsi nazirin diqqətinə çatdırılıb.

NAC-in təşəbbüsü ilə Kanada dövləti tərəfindən Qarabağda minatəmizləmə işləri üçün 400 000 dollar vəsaitin ayrılmasına görə təşəkkür ifadə edilib.

M.Joli Kanadanın Azərbaycan ilə müxtəlif sahələrdə ikitərəfli münasibətlərin daha da inkişaf etdirilməsində maraqlı oldğunu qeyd edib. O bildirib ki, Kanada beynəlxalq hüququn prinsiplərinə sadiqdir və bütün mübahisələrin hüquq və danışıqlar çərçivəsində həll edilməsinin tərəfdarıdır. Bu xüsusda Azərbaycanla Ermənistan arasında Avropa İttifaqının himayəsi altında aparılan sülh danışıqlarının tezliklə uğurla başa çatacağına ümid edir və sülh müqaviləsinin imzalanmasını dəstəkləyir.

Qeyd edək ki, NAC – Kanadada yaşayan azərbaycanlıların Kanada cəmiyyətində və siyasi həyatında maraqlarının təmsil edilməsi məqsədi ilə yaradılıb və tam olaraq Azərbaycan icmasının dəstəyi ilə fəaliyyət göstərir.

Tarix
2023.04.13 / 09:29
Müəllif
Axar.az
Şərhlər
Digər xəbərlər

Tatar Şuşada dediklərinə görə Fidana təşəkkür etdi

XİN Kolumbiyanın Müstəqillik Gününü təbrik etdi

İlham Əliyevin bu görüşü canlı yayımlanacaq

Paşinyanın imtinası: Bakıya qarşı “2 gücün” oyunu...

Makron “haqlıdır”, Nikol o durumda deyil…

Azərbaycanın və Ermənistanın ərazi bütövlüyü… - İran

ETX Vindovsdakı problemlə bağlı məlumat yaydı

Növbəti “3+3” görüşü Türkiyədə olacaq - Sübhani

Məşhur bakılının adı Rusiya “tarix”indən silindi - Foto

Pezeşkianın göz yaşları və sevgisi… - Nyu York Tayms

KULT
<>
Xəbər xətti
  
  
  
  
  
  
  
  
  
Axar.az'da reklam Bağla
Reklam
Bize yazin Bağla