Oktyabrın 30-da ilk tamaşa ilə mövsümü açırıq. Dahi Üzeyir Hacıbəyovun “O olmasın, bu olsun” komediyası ilə tamaşaçılarımızın görüşünə gələcəyik.

Kult.az xəbər verir ki, bu barədə Azərbaycan Dövlət Akademik Musiqili Teatrının direktoru, əməkdar incəsənət xadimi Əliqismət Lalayev məlumat verib.

“Təbii ki, çox sevincliyik. 2 ilə yaxın müddətdə tamaşaçılarla görüşmədik. Səhnəmiz, salonumuz boş qaldı. Nəhayət ki, o gün gəldi çatdı. Oktyabrın 1-dən işlər başladı. 1 aya yaxındır, işlərimiz davam edir. Sevindirici haldır ki, noyabrın sonuna qədər olan tamaşalara bütün biletlər satılıb. Bu, hər dəfə olmur. Deməli, tamaşaçılar da bizdən ötrü darıxıblar”.

Direktor bildirib ki, bütün tamaşalar pandemiya qaydalarına uyğun keçiriləcək:

“Portal vasitəsilə peyvənd pasportu yoxlanılacaq. Cərgələrdə ara məsafəsi gözlənəcək. Bütün bunlar sağlamlığımızı qoruma üçündür”.