Lerikdə üzərinə ağac aşan kişi dünyasını dəyişdi.

Axar.az xəbər verir ki, Lerik rayonunun Gürdəsər meşəsinin 9-cu dolayında bədbəxt hadisə baş verib.

Lənkəran rayon sakini, 1974-cü il təvəllüdlü İbrahim Nəriman oğlu Ağayev şəhid ailələri üçün ayrılan kvota ilə meşəyə odun gətirməyə gedib.

Odun doğramaqla məşğul olduğu vaxt yaxınlıqdakı iri gövdəli ağacın budağı onun üzərinə aşıb. İbrahim Ağayev ağır xəsarət alıb.

Ətrafdakıların köməyi ilə o, meşə ərazisindən çıxarılaraq kəndə yaxın yerə gətirilib. Lakin təcili tibbi yardım briqadası hadisə yerinə çata bilməyib. İbrahim Ağayev hadisə yerində dünyasını dəyişib.

Faktla bağlı araşdırma aparılır.