Gürcüstan Dövlət Təhlükəsizliyi Xidmətinin rəhbəri Mamuka Mdinaradze ilə onun erməni həmkarı Andranik Simonyan arasında Tiflisdə keçirilən görüşdə regional çağırışlar və təhlükəsizlik sektorunda əməkdaşlığın inkişaf etdirilməsi imkanları müzakirə edilib.

Axar.az xəbər verir ki, bu barədə Gürcüstan Dövlət Təhlükəsizlik Xidmətinin mətbuat xidməti məlumat yayıb.

Bildirilib ki, tərəflər iki ölkənin departamentləri arasında ikitərəfli koordinasiya və məlumat mübadiləsinin vacibliyini qeyd ediblər.

Mdinaradze həmkarı ilə Qafqazda sülhün təmin edilməsində və möhkəmləndirilməsində Gürcüstanın müsbət rolundan danışıb.

Qeyd edək ki, ötən gün Mdinaradze ilə DTX rəisi Əli Nağıyev arasında görüş baş tutmuşdu.