Bu ay keçmiş məcburi köçkünlərin Ağdam şəhərinə ilk köçü baş tutacaq.

Axar.az xəbər verir ki, bunu Modern.az-a Milli Məclisin deputatı Aqil Abbas deyib.

O bildirib ki, şəhərdə on minlərlə sakinin yaşaması üçün artıq hər bir sosial şərait yaradılıb.

Deputat qeyd edib ki, rayonda artıq tikinti işləri başa çatdırılıb və bundan sonra da quruculuq işləri daimi proses kimi aparılacaq:

“Yaşayış binaları hazırdır. Özüm də orada olub, yenidənqurma işlərini görmüşəm. İlk köç xeyirli-uğurlu olsun. Ağdam yüz min əhalisi olan böyük şəhər olacaq. 50 metrdən çox eni olan çoxzolaqlı küçə və prospektlər gələcək layihələrdən xəbər verir. Hal-hazırda Ağdamda yeddi zavod fəaliyyət göstərir. Başqa zavodların tikintisi də plandadır. İctimai-iaşə obyektlərinin istifadəyə verilməsi geniş iş imkanları yaradacaq.

Rayonda təsərrüfatın müxtəlif sahələri ilə məşğul olmaq üçün geniş imkanlar var”.