BMT ilk dəfə dekabrın 15-də Dünya Türk Dili Ailəsi Gününü qeyd edəcək.

Axar.az xəbər verir ki, bununla bağlı BMT-nin yaydığı məlumatda qeyd olunub.

Bildirilir ki, BMT-nin mədəniyyət agentliyi olan UNESCO-nun Səmərqənddə keçirilən Baş Konfransının qərarından sonra təşkilat bazar ertəsi günü ilk dəfə Dünya Türk Dili Ailəsi Gününü qeyd etməyə hazırlaşır.

Qeyd olunur ki, yeni təyin olunmuş bu gün türkdilli xalqların ortaq dil və mədəni irsini vurğulayır və UNESCO-nun çoxdilliliyə və mədəni müxtəlifliyə daha geniş öhdəliyini gücləndirir.

Məlumata əsasən, 15 dekabrın Dünya Türk Dili Ailəsi Günü seçilməsi dilçilik elminin əlamətdar bir anına əsaslanır. 1893-cü ildə həmin gün danimarkalı dilçi Vilhelm Tomsen türk dil ailəsinin ən qədim yazılı abidələrindən olan Orxon-Yenisey əlifbasını açdığını elan edib.

Azərbaycan, qazax, qırğız, türk, türkmən və özbək dillərinin daxil olduğu tük dilində təxminən 12 milyon kvadratkilometr ərazini əhatə edən ərazidə 200 milyondan çox insan danışır.

Yeni günün elan edilməsi Azərbaycan, Qazaxıstan, Qırğızıstan, Türkiyə və Özbəkistanın birgə müraciətindən sonra qəbul edilib və 21 üzv dövlət tərəfindən dəstəklənib.