Ana səhifə Toplum |
14:00
Bakı-İsmayıllı yolunda ağır yol-nəqliyyat hadisəsi baş verib.
Hadisə şahidlərinin Axar.az-a verdiyi məlumata görə, "Ford" markalı 36 BH 329 dövlət nömrə nişanlı Qəbələ-Bakı sərnişin mikro-avtobusu qarşıdan gələn qaldırıcı kran maşınına çırpılıb. Hadisə zamanı kranın daşıdığı böyük plakat aşaraq bir nəfəri öldürüb, digərini isə ağır yaralayıb.
Ölən şəxsin yanında 12 yaşlı övladı da olub.
***
APA-nın xəbərinə görə, İsmayıllı Olimpiya İdman Kompleksinin qarşısında "Ford" avtomobilinin "Mitsubişi" markalı evakuatorla toqquşması nəticəsində iki nəfər aldığı xəsarətlərdən ölüb, evakuatorun sərnişini, Tovuz rayon sakini, 1982-ci il təvəllüdlü Musayev Fuad Şəmil oğlu və mikroavtobusdakı sərnişinlər - Qəbələ sakini, 2006-cı il təvəllüdlü Paşayeva Həqiqət Vəfadar qızı, 2002-ci il təvəllüdlü İsmayılova Nuhalə Məsud qızı isə müxtəlif dərəcəli bədən xəsarətləri ilə İsmayıllı Mərkəzi Rayon Xəstəxanasına yerləşdirilib.
Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.
Tarix
2016.08.30 / 14:46
|
Müəllif
Aytac Qədirova
|