Ana səhifə Toplum |
Gəncədə “Sosial qanunvericiliyin izahatı və məlumatlandırma” mövzusunda tədbir təşkil edilib.
Axar.az xəbər verir ki, təlimdə Gəncə şəhəri icra hakimiyyəti, Nizami və Kəpəz rayon bələdiyyələri və DSMF-nin nümayəndələri, Ombudsman Aparatı Gəncə regional mərkəzinin nümayəndəsi və maraqlı olan sakinlər iştirak edib.
Layihənin regional əlaqələndiricisi Aynur Əliyeva layihənin məqsədi barədə məlumat verib.
“Qanuvericiliyin izahı və məlumatlandırma” mövzusunda isə Ombudsman Aparatı Gəncə Regional Mərkəzinin rəhbəri Səbuhi Abbasov təqdimat edib.
Təlimdə ünvanlı sosial yardım ilə bağlı qaldırılan çoxsaylı sualları hüquqşünas Səbuhi Abbasov və DSMF-nin mütəxəssisi Vüsal Hacıyev, ekspert Rövşən Novruzov cavablandırıb.
VEMTAS sisteminə sənədin yüklənməsi ilə bağlı da müzakirə aparılıb.
Qeyd edək ki, layihə Avropa İttifaqı tərəfindən maliyyələşdirilir və Birləşmiş Millətlər Təşkilatı İnkişaf Proqramı tərəfindən idarə edilir. İqtisadi və Sosial İnkişaf Mərkəzi (CESD) sözügedən layihənin icraçısıdır.
Tarix
2017.01.12 / 12:22
|
Müəllif
Aygün Yusibova
|