Ana səhifə Toplum |
“28 May” və “Gənclik” stansiyaları arasında tüstülənmə müşahidə edilmişdi. Dərhal əməkdaşlarımız tunelə düşdülər ki, hadisənin baş vermə səbəbini aydınlaşdırsınlar. Təlimata uyğun olaraq, dərhal FHN Yanğından Mühafizə Xidmətinə və təcili tibbi yardıma müraciət olundu.
Axar.az xəbər verir ki, bu sözləri Bakı Metropoliteni QSC-nin mətbuat katibi Nəsimi Paşayev mediaya müraciətlə paylaşıb. Onun sözlərinə görə, iki stansiya arasındakı tunellərdə bir-birinə keçid tuneli var:
“Oradakı lövhədə kabellərdə qısaqapanma nəticəsində qızma baş vermişdi. Bunun nəticəsində naqillərin üstündəki təbəqə ərimişdi və tüstülənmə əmələ gəlmişdi. Qatarların hərəkəti nəticəsində və havalandırmaya görə tüstülənmə “Gənclik” və “28 May” stansiyalarında da müşahidə edilirdi. Operativ tədbirlər nəticəsində hadisə aradan qaldırıldı. Sərnişinlər və qatarların hərəkəti bərpa edildi. İstər sərnişinlərin, istərsə də Metropoliten əməkdaşlarının həyatına hər hansı problem yaranmayıb. Özünü pis hiss edən sərnişinlərə dərhal tibbi müdaxilə edilib və bütün sərnişinlər rahat şəkildə metronu tərk ediblər”.
Tarix
2017.03.15 / 22:45
|
Müəllif
Axar.az
|