Azərbaycanın ilk aşağı büdcəli aviaşirkəti “Buta Eyrveys”in bütün istiqamətləri üzrə yekun minimal qiymət bir tərəfə cəmi 29 avro təşkil edəcək.

AZAL-dan Axar.az-a verilən məlumata görə, ilk mərhələdə aviaşirkət Bakıdan Moskva (“Vnukovo” Hava Limanı), Antalya, Kazan, Mineralnıye Vodı, Kiyev, Tiflis və Tehrana uçuşlar yerinə yetirəcək. Qış mövsümünün başlanması ilə (bu ilin oktyabr ayının 29-dan) “Buta Eyrveys”in marşrut şəbəkəsinə İstanbul və Sankt-Peterburq kimi şəhərlər də əlavə olunacaq.

Qeyd edək ki, “Buta Eyrveys” Azərbaycanın ilk aşağı büdcəli aviaşirkətidir və Azərbaycan Hava Yolları QSC-nin (AZAL) struktur bölməsidir.