Ana səhifə Toplum |
Oktyabrın 13-də Fövqəladə Hallar Nazirliyinin Böhran Vəziyyətlərində İdarəetmə Mərkəzindən Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) paytaxtın Suraxanı rayonunun Qaraçuxur qəsəbəsində mərminin aşkarlanması barədə məlumat daxil olub.
ANAMA-dan Axar.az-a bildiriblər ki, məlumata əsasən, agentliyin xüsusi mobil çevik əməliyyat qrupu dərhal həmin əraziyə göndərilib.
Agentliyin mütəxəssisləri tərəfindən həmin qəsəbədə Şərq yaşayış sahəsi, 16-cı döngədəki zibillik sahəsinə baxış keçirilib. Aparılan təcili təxirəsalınmaz operativ əməliyyat axtarış tədbirləri nəticəsində 266 partlamamış hərbi sursat (bir ədəd F-1 əl qumbarası və 265 ədəd 7,62 millimetrlik patron) aşkar edilib. Həmin sursat zərərsizləşdirilməsi üçün agentliyin mərkəzi məhvetmə ərazisinə daşınıb.
Aşkarlanmış partlamamış hərbi sursatların ətrafında 30 kvadratmetr əraziyə yerüstü baxış keçirilib, əlavə təhlükəli əşya və qurğu tapılmayıb.
Agentlik tərəfindən yanvarın 1-dən oktyabrın 13-dək ümumilikdə 7083 partlamamış hərbi sursat, tank əleyhinə 200 mina və piyada əleyhinə 32 mina aşkarlanaraq zərərsizləşdirilib. Ümumilikdə 4 milyon 724 min 447 kvadratmetr ərazi yoxlanılıb.
Tarix
2017.10.13 / 20:43
|
Müəllif
Axar.az
|