09:27

Azərbaycan Tibb Universitetinin (ATU) Müalicə profilaktika fakültəsinin I mamalıq-ginekologiya kafedrasının dosenti, tibb üzrə fəlsəfə doktoru, əməkdar müəllim, prezident təqaüdçüsü Zemfira Topçubaşova vəfat edib.

Axar.az xəbər verir ki, bu barədə tanınmış teleaparıcı Hacı Nuran şəxsi İnstaqram hesabında yazıb.

“Əlvida, xatirələrdə yaşayacaq böyük insan! Allah sənə rəhmət eləsin!” - deyə o qeyd edib.

Qeyd edək ki, Prezident İlham Əliyevin 2002-ci ildə imzaladığı fərmana əsasən, Topçubaşova Zemfira Mustafa qızı Azərbaycanda tibb təhsilinin və elminin inkişafında xidmətlərinə görə Prezidentin fərdi təqaüdünə layiq görülüb. O, sovet cərrahı, Azərbaycan SSR Ali Sovetinin sədri (1955-59 və 1967-71) Mustafa Topçubaşovun və Azərbaycanın ilk qadın rəssamı, SSRİ-nin əməkdar incəsənət xadimi Reyhan Topçubaşovanın qızıdır.