Axar.az
Yuxarı

Allahverdi Bağırovun Xocalıda çəkilən fotosu yayıldı

Ana səhifə Toplum
12 Punto 14 Punto 16 Punto 18 Punto

Milli Qəhrəman Allahverdi Bağırovun Xocalıda əsir düşmüş azərbaycanlıların geri qaytarılması ilə bağlı foto yayımlanıb.

Axar.az xəbər verir ki, foto "Karabakh War Pictures" səhifəsində yerləşdirilib.

Səhifə müəllifləri Allahverdi Bağırovun fotoda erməni komandir Vitali Balasanyanla danışıqlar apardığını bildiriblər. Şəkilin çəkilmə tarixinin isə 1992-ci il fevralın 28-nə aid olduğu deyilib.

Allahverdi Bağırov 1946-cı il aprel ayının 22-də Ağdamda anadan olub. O, Qarabağın Ağdam futbol klubunun yadda qalan üzvlərindəndir. Qarabağ müharibəsi başlayanda ilk yaradılan batalyonlardan birinə - "Vətən oğulları" batalyonuna Allahverdi Bağırov rəhbərlik edib. Ağdam əhalisi tərəfindən göstərilən maddi yardım və öz şəxsi vəsaiti ilə Qarabağ kəndlərində yaradılmış kiçik özünü müdafiə dəstələrinə yaxından köməklik edib. Ağdam rayonu ərazisində gedən bütün döyüşlərdə mərdliklə vuruşub. Onun Xocalı soyqırımı zamanı həlak olanların meyitlərinin döyüş meydanından çıxarılmasında və azərbaycanlı əsirlərin erməni işğalçı əsgərlərin meyitləri və əsirləri ilə dəyişdirilərək azad edilməsində böyük xidməti olub. Həmin əməliyyatlar keçirilən zaman Ağdam rayonu 300 nəfər şəhid vermişdi.

Ən böyük hərbi uğuru 1992-ci il 12 iyundə Aranzəmin və Naxçıvanlı döyüşlərində olub. O zaman Naxçıvanlı kəndində işğalçıların bütün canlı qüvvəsi və texnikası darmadağın edilib, döyüşçülər Əsgəran qalasına qədər irəliləyib, Pircamal kəndindəki bütün yüksəkliklər tutulub, Kətük kəndi ilə üzbəüz mövqe qurulub. Bu döyüşdən Ağdama qayıdan Allahverdi Bağırov minaya düşərək şəhid olub.

O, Azərbaycan Respublikası Prezidentinin 24 fevral 1993-cü il tarixli 476 saylı fərmanı ilə "Azərbaycanın Milli Qəhrəmanı" adına layiq görülüb.

Fotonu təqdim edirik.

Tarix
2014.07.16 / 15:21
Müəllif
İlkin Həsənov
Şərhlər
Digər xəbərlər

Ölkədə koronavirusa yoluxanların sayı açıqlandı

Tiktokda 100-dək şəxsi aldadan qadın tutuldu

Narkotik çəkib maşın sürən şəxs saxlanıldı

Ermənilərin qurduğu partlayıcı zərərsizləşdirdirldi

Türkiyədə ağır qəza: 6 ölü

Rusiya anbarlarda 30-cu illərin tanklarını saxlayır - Jdanov

Müdafiə Nazirliyi həftəlik icmalını təqdim etdi - Video

Sabahın hava proqnozu açıqlandı

Bakıda satıcının gözü qarşısında oğurluq - Video

Dövlət Komitəsi aksiya keçirəcək

KULT
<>
Xəbər xətti
Axar.az'da reklam Bağla
Reklam
Bize yazin Bağla