Daxili İşlər Nazirliyinin Mütəşəkkil Cinayətkarlığa qarşı Mübarizə Baş İdarəsində "qara polkovnik" ləqəbi ilə tanınan mərhum Fətulla Hüseynovun xanımına məxsus torpaq sahəsini ələ keçirməkdə ittiham olunan digər bir polkovnik Asif Qubadovla bağlı istintaq başlayıb.

Məlumatı "Vesti.az"a şikayətçinin vəkili Kamandar Nəsibov təsdiqləyib. K.Nəsibov bildirib ki, onlar özünü polkovnik kimi qələmə verən həmin şəxslə bağlı zəruri tədbirlər görüləcəyinə inanırlar.

Xatırladaq ki, bir müddət əvvəl "Qara polkovnik"in xanımı üzləşdiyi haqsızlıqla bağlı Daxili İşlər naziri Ramil Usubova və Baş prokuror Zakir Qaralova məktubla müraciət etmişdi.