Ana səhifə Toplum |
Fransada Azərbaycanın Dostları Assosiasiyasının (ADA) icra şurası Udan şəhərində təşkilatın Parisdən kənar növbəti iclasını keçirib.
Axar.az xəbər verir ki, iclas ADA-nın prezidenti, Fransa Milli Assambleyasının sabiq üzvü Jan Fransua Mansel və assosiasiyanın baş katibi Mirvari Fətəliyevanın başçılığı ilə idarə olunub.
Sessiya zamanı Assosiasiyanın idarə heyətinin üzvlüyünə namizədlərin siyahısı təqdim olunub, yeni tərkib təsdiq edilib.
Assosiyasiyanın prezidenti vəzifəsinə sabiq deputat Jan Fransua Mansel seçilib. UNESCO-nun xoşməramlı səfiri Edva Ser, tanınmış fransız bəstəkarı Pyer Tilua, yazıçı, jurnalist, Jan Pyer Alali vitse-prezidentlər, Mirvari Fətəliyeva isə üç il müddətinə baş katib vəzifəsinə seçilib.
Sonra sessiya üzvlərinə Assosiasiyanın ötən il ərzində fəaliyyətini işıqlandıran məlumat xarakterli layihə təqdim olunub.
Daha sonra assosiasiyanın cari il üçün nəzərdə tutulmuş proqram və layihələri müzakirə olunub.
Tarix
2018.02.19 / 01:03
|
Müəllif
Büllurə Yunus
|