Hazırda “Tarqovı” (Səbail rayonunun Nizami küçəsi) ətrafı məhəllələr restavrasiya olunur. Əslində, çox düzgün qərardır və ona xərclənən pullar da əbəs deyil. Bu, sadəcə mədəni irsin qorunması deyil, həm də turist çəkmək üçün yaxşı bir vasitədir.

Axar.az xəbər verir ki, bu sözləri hüquqşünas Fərhad Mehdiyev qeyd edib. O, həmin küçələrdə kommunikasiya, əsasən də fiberoptik xətlərin çəkilməsinin vacibliyinə də toxunub:

“Orada 500 metrdən bir internet köşklərinin quraşdırılması vacibdir. Əslində, bu cür islahat proyektləri “Sovetski”nin hələ sökülməmiş bəzi yerlərində də həyata keçirilə bilər. Lakin orda bəzi binalar sökülməlidir, çünki heç bir tarixi və memarlıq dəyəri olmayan binalar da var; sökülmüş binaların yerində 4 mərtəbədən çox olmayan, 1880-1920-ci illər arasında tikilən binalara bənzər üslubda binalar ucaldıla bilər”.