Bayram tədbirləri ilə bağlı olaraq bir sıra mərkəzi küçələrdə avtomobil sıxlığı müşahidə olunduğundan, bəzi marşrut avtobuslarının intervalında müvəqqəti ləngimələr yaranıb.

Bu barədə Axar.az-a Bakı Bus MMC-dən məlumat verilib.

Hazırda bu istiqamətlərdə sıxlıq müşahidə edilir:

1. Tbilisi prospekti - Şəhər istiqamətində, Akademik Şəfayət Mehdiyev küçəsi.

2. Qara Qarayev prospekti - Özbəkistan küçəsi ilə kəsişmədən "Koroğlu" metrosu istiqamətində.

3. 28 May küçəsi - Puşkin küçəsi ilə kəsişmədən R.Behbudov küçəsi.

Məlumatda qeyd olunur ki, bu yollardakı avtomobil sıxlığı normallaşdıqdan sonra həmin istiqamətlərdə hərəkət edən avtobusların intervalı qrafikə uyğun olaraq təmin olunacaq.