"Azəryolservis"in normadan artıq yük götürən iri tonnajlı avtomobillərin qanunvericiliyə uyğun cərimələnməsi tədbirlərini dəstəkləyirəm".

Axar.az xəbər verir ki, bu fikirləri millət vəkili Fazil Mustafa öz Feysbuk səhifəsindən paylaşıb. Onun sözlərinə görə, bəzi sürücülər həddən artıq özbaşınalıq edirlər:

"Özbaşınalığın həddinə bax ki, bəzi maşınlar saxlayıb yoxlamadan keçməkdən belə imtina edib, sürətlə uzaqlaşırlar. Adamın heyfi gəlir, dövlət büdcəsi hesabına yaxşı-pis çəkilən yollar normadan artıq yük götürən maşınların hesabına qısa müddətə kələ-kötür vəziyyətə düşür. Adamlar artıq anlamalıdırlar ki, kiminsə beş-on manat artıq qazanması hesabına yolların sıradan çıxarılmasına dözümlü yanaşmaq olmaz. Hələ körpülər üçün bu maşınların hərəkəti daha təhlükəlidir. Bir neçə dəfə məhz bu səbəbdən rayonlarda körpülərin qəzalı vəziyyətə düşməsini görmüşük. Əslində bu işdə sadə sürücülərdən çox, bu yükü vuran və qəbul edən sahibkarların günahı böyükdür. Ümumiyyətlə, yük maşınları üçün alternativ yolların olması problemin həllinə daha çox yardım edərdi".

Xatırladaq ki, normadan artıq yüklənən ağır tonnajlı maşınlara qarşı Nəqliyyat Nazirliyi mübarizə aparsa da, sürücülər hələ də bu qadağalara məhəl qoymurlar.