Binəqədi rayon icra başçısı Xaləddin İsgəndərov və Dini Qurumlarla İş üzrə Dövlət Komitəsinin sədri Mübariz Qurbanlı rayonun dini icmala nümayəndələrini bir araya toplayıb.

AzərTAc xəbər verir ki, görüş YAP Binəqədi rayon təşkilatının inzibati binasında baş tutub.

Xaləddin İsgəndərov yad ideyaların təsirində formalaşmış, millilikdən uzaq, milli və dini birliyimizə xələl gətirən təbliğatlara qarşı hər kəsin, xüsusilə din xadimlərinin ayıq-sayıq olmasının, dini təbliğatı sağlam əsaslar və mənəviyyat üzərində qurmağın vacibliyini diqqətə çatdırıb.

Dini Qurumlarla İş üzrə Dövlət Komitəsinin sədri Mübariz Qurbanlı müstəqilliyin bərpasından sonra Azərbaycanda dini dəyərlərimizə qayıdışın baş verdiyini söyləyib. Bu sahədə ümummilli lider Heydər Əliyevin müstəsna xidmətlərindən danışan sədr Prezident İlham Əliyevin milli mənəvi dəyərlərimizin qorunması istiqamətində gördüyü işlərdən də söhbət açıb.

M.Qurbanlı qeyri-ənənəvi və zərərli dini təbliğatların qarşısının alınmasında din xadimlərinin rolunun vacibliyini qeyd edib.