Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
23 İyun 2018


Şagird 700 bal yığdı, nazirlik sahib çıxmadı - Ekspertlər

Ana səhifə Toplum
12 Punto 14 Punto 16 Punto 18 Punto

11:54

10-cu sinif şagirdi Fərid Əhmədlinin Dövlət İmtahan Mərkəzinin sınağında 700 bal toplamasını alqışlayırıq, amma təəssüf ki, abituriyent müraciət etməkdə artıq gecikib.

Bu sözləri Axar.az-a açıqlamasında Təhsil Nazirliyinin mətbuat xidmətinin rəhbəri Cəsarət Valehov söyləyib. O bildirib ki, qanunvericilikdə məktəbi vaxtından tez bitirmək istəyən şagirdlər üçün eksternat imtahanalarının keçirilməsi qaydası var:

“Sözügedən abituriyent məktəbi bir il tez bitirmək istəyirdisə, bunu iyunun 13-də yox, əvvəldən deməli idi. Qanunvericiliyə görə, məktəbi bir və ya iki il əvvəl bitirmək istəyən şagird eksternat qaydada vaxtından əvvəl imtahan verməlidir. Bu da onu göstərir ki, şagird məktəbi bitirmək üçün nəzərdə tutulan tədris proqramını tam şəkildə mənimsəyib. Amma təəssüf ki, abituriyentin bundan xəbəri olmayıb. İndi də çıxıb deyir ki, sınaq imtahanında 700 bal toplamışam və istəyirəm ki, 11-ci sinifin attestatını alam. Fikrimcə, belə yanaşma doğru deyil. Axı bu, kiminsə qoyduğu qayda deyil, qanunvericilikdə yer alan bir məsələdir”.

Məsələ ilə bağlı açıqlama verən təhsil eksperti Kamran Əsədov bildirib ki, vaxtından əvvəl attestat almaq üçün şagirdlər ən geci oktyabr, noyabr aylarında müraciət etməlidirlər:

“2009-cu ildə qəbul edilmiş təhsil haqqında qanun istedadlı şagirdlərin vaxtından əvvəl orta məktəbi bitirməsi və attestat almasına imkan verir. Qayda belədir ki, istedadlı şagirdin təhsil aldığı sinifin rəhbəri yeni tədris ilinin ilk 3 ay ərzində direktora müraciət edir. Direktor da pedaqoji şura yığıncağında istedadlı şagirdin vaxtından əvvəl digər yuxarı sinifə keçməsini və ya məkəbi bitirməsini müzakirə edir. Əgər pedaqoji şurada məsələ müsbət nəticələnərsə, bu qərar rayon, şəhər təhsil şöbəsinə göndərilir. RTŞ-ya yaradılmış komissiya şagirdin bilik və bacarıqlarını yoxlayır. Ordan da müsbət cavab alınarsa, həm məktəbin pedaqoji şurasının, həm də RTŞ-nın komisiyasının rəyləri Təhsil Nazirliyinə göndərilir. TN-də komissiya şagirdi yoxlayır və yekun rəy verir. Əgər yekun rəy müsbət olarsa, şagird vaxtından əvvəl məktəbi bitirib ali məktəbə sənəd təqdim edə bilər”.

Digər təhsil eksperti Etibar Əliyev də qanunvericiliyə uyğun hərəkət etmək lazım olduğunu deyib:

“Həmin abituriyent vaxtında qaydalara uyğun olaraq mərhələləri keçməliydi. Qanunvericilikdə istisna yoxdur. Düşünürəm ki, şagird vaxtında bu məsələlərlə maraqlanmalı idi. Sovet vaxtı 15-16 yaşında uşaqlar eksternat qaydada imtahan verib sinif adlayırdılar. İndiki Təhsil Haqqında Qanunda normativ sənədlərdə xeyli dəyişikliklər olub. Tövsiyyə edirəm ki, şagird 11-ci sinfi bitirdikdən sonra qəbul imtahanlarında iştirak etsin”.

Qeyd edək ki, Nərimanov rayonunda yerləşən 45 nömrəli məktəbin 10-cu sinif şagirdi Fərid Əhmədli DİM-in keçirdiyi sınaq imtahanında iştirak edərək, 700 bal toplayıb. O, Axar.az-a müraciət edərək bu il keçiriləcək ali təhsil müəssisələrinə qəbul imtahanında iştirak etmək istədiyini deyib. Abituriyent attestatı olmadığı üçün qəbul imtahanında iştirak edə bilmədiyini söyləyib.

F.Əhmədli attestat və qəbul imtahanlarında iştirak etmək üçün Təhsil Nazirliyindən yardım istəyib.

Tarix
2018.06.14 / 17:00
Müəllif
Büllurə, Nərmin
Şərhlər
Загрузка...
Digər xəbərlər

FHN Gəncədə konfrans keçirdi – Foto

Şəxs ölkəyə güzəştlə nə qədər məhsul keçirə bilər?

İndi Türkiyədə dincəlmək daha ucuzdur

Gömrükdən yalnız bu qədər qızıl və pul keçirmək olar

Prezident onun vəzifəsini təsdiqlədi - 4 sərəncam

Xırdalanda şəhid məzarlığı dağıdıldı: bələdiyyə isə... - Video

Tiflis-Bakı təyyarə reysi gecikir: problem... - Açıqlama

Nazirlikdən xəbərdarlıq: güclü külək, şimşək, yağış...

Bu ölkə ilə sərhəddə yeni gömrük-keçid məntəqəsi tikilir

FHN-dən Bakıdakı yanğınla bağlı - Açıqlama

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla