Ana səhifə Toplum |
İmişlidə 1 nəfərin ölümü və 2 nəfərin xəsarət alması ilə nəticələnən ağır yol qəzası baş verib.
APA-nın xəbərinə görə, qəza rayon ərazisindəki "9 saylı" adlanan məcburi köçkün qəsəbəsində baş verib. Məlumata görə, “Mersedes” və VAZ-2106 markalı minik avtomobillərinin toqquşması nəticəsində "Mersedes"in sərnişini Cəbrayıl rayonundan məcburi köçkün, 1987-ci il təvəllüdlü Bəyməmmədov Xalid Məmmədbağı oğlu ölüb. Sürücü, qəsəbə sakini 1948-ci il təvəllüdlü Mehrəliyev İlyas Məhəmmədəli oğlu ağır xəsarət alaraq Şirvan Şəhər Xəstəxanasına çatdırılıb. İ.Mehrəliyev əməliyyata götürülüb, vəziyyəti ağırdır.
VAZ-ın sürücüsü Cəbrayıl rayonundan məcburi köçkün, 1983-cü il Quliyev Azər Hüseyn oğlu vəziyyəti ağır olduğundan paytaxt xəstəxanalarından birinə göndərilib.
Araşdırma aparılır.
Tarix
2018.06.16 / 23:35
|
Müəllif
Axar.az
|