Daxili Qoşunların bir qrup hərbi qulluqçusu medalla təltif olunub.

Daxili İşlər Nazirliyi (DİN) Daxili Qoşunların (DQ) mətbuat xidmətindən verilən məlumata görə, daxili işlər naziri general-polkovnik Ramil Usubovun müvafiq əmrinə əsasən, Daxili Qoşunların bir qrup hərbi qulluqçusu "Azərbaycan Respublikası Silahlı Qüvvələri veteranı" medalı və Azərbaycan Respublikasının "Qüsursuz xidmətə görə" medalının 1-ci, 2-ci, 3-cü dərəcələri ilə təltif olunublar.

Bu münasibətlə sentyabrın 4-də DQ-nin Baş İdarəsində daxili işlər nazirinin müavini - Daxili Qoşunların komandanı general-mayor Şahin Məmmədov medalları hərbi qulluqçulara təqdim edib.

Təqdimetmə mərasimində şəxsi heyət qarşısında çıxış edən Ş.Məmmədov təltif olunan hərbi qulluqçuları daxili işlər naziri və Daxili Qoşunlar Komandanlığı adından bir daha təbrik edib, onlara xidməti-döyüş fəaliyyətlərində uğurlar arzulayıb.

Trend