Ana səhifə Toplum |
Göyçaya gedən toy karvanında dəhşətli yol qəzasının heyrətamiz səbəbi üzə çıxıb.
Axar.az-a bu haqda məlumat verən mənbənin sözlərinə görə, rayonun Şahsoltanlı kəndinə gedən toy karvanı saatda 180 km/s sürətlə hərəkət edən avtomobillə toqquşub. Nəticədə baş verən ağır qəzada 9 nəfər dünyasını dəyişib.
Mənbənin sözlərinə görə, hadisənin əsl günahkarı 23 BX 232 dövlət nömrə nişanlı "Mitsubishi Pajero" markalı minik maşınını idarə edən Əsgərov Bəxtiyar Firudin oğlu olub.
Göyçayın Potu kənd sakini olan sürücü saatda 180 km/s sürətlə maşını idarə edib, qarşıda gələn toy karvanı ilə toqquşub. Sürücü özü ağır bədən xəsarətləri ilə Göyçay Mərkəzi rayon Xəstəxanasının reanimasiya şöbəsinə yerləşdirilib.
Onun həyat yoldaşı, 1965-ci il təvəllüdlü Əsgərova Nahidə Seyfəddin qızı, atası 1936-cı il təvəllüdlü Əsgərov Firudin Ələkbər oğlu, anası 1938-ci il təvəllüdlü Əsgərova Lumu Kərim qızı aldığı ağır bədən xəsarətləri səbəbindən dünyasını dəyişib.
Qeyd edək ki, Ağsudan Göyçayın Şahsoltanlı kəndinə gedən toy karvanındakı "Mersedes" markalı minik avtomobilinin sürücüsü - Ağsu şəhər sakini, 1962-ci il təvəllüdlü Məmmədov Davud Məmməd oğlu, sərnişinlər - Ağsu sakinləri, 1963-cü il təvəllüdlü Məmmədova Jalə Qubadəli qızı, 2014-cü il təvəllüdlü Bədəlova Mələk Rauf qızı, 1985-ci il təvəllüdlü Məhərrəmli Günel Veyis qızı, 2008-ci il təvəllüdlü Məhərrəmov Ramiz Rüstəm oğlu, 1990-cı il təvəllüdlü Bədəlova Gülay Davud qızı aldıqları ağır bədən xəsarətləri səbəbindən hadisə yerində dünyasını dəyişib.
Tarix
2014.10.03 / 00:52
|
Müəllif
Emin Aslanlı
|