Millət vəkili Vahid Əhmədov Quba rayonunda yerləşən ofisində seçiciləri ilə görüşüb.

Axar.az xəbər verir ki, görülmüş və gələcək üçün planlaşdırılan işlərdən danışan deputat sakinlərin suallarını cavablandırıb.

Qəbulda qonşu Xaçmaz və Qusar rayonundan olan vətəndaşlar da iştirak edib. Qəbul zamanı sakinlər millət vəkilinə bank kreditləri, işədüzəlmə, əlilliyin təyin olunması, ev tikintisi üçün torpaq sahələrinin ayrılması, ailə-məişət problemləri və s. məsələlərlə bağlı müraciət ünvanlayıblar.

Qubadlı rayon qaçqını Ə.Əliyev və N.Paşayevanın müraciəti əsasında uzun müddət öz həllini tapmayan problem həll edilib. Belə ki, kredit borcuna görə senyabrın 25-də vətəndaşın mənzilindən çıxarılması barəsində məhkəmə qərarının icrası dayandırılıb.

Qeyd edək ki, V.Əhmədovun növbəti qəbulu oktyabra planlaşdırılıb.