ATƏT-in Minsk qrupunun həmsədri olan Fransa rəsmisinin Dağlıq Qarabağ separatçıları ilə əməkdaşlıq sənədi imzalamasına kəskin etiraz gəlməkdədir.

Bununla bağlı mətbuata acıqlama verən QHT sədri Niyaməddin Orduxanlı bildirib ki, bu, birbaşa Azərbaycanın ərazi bütövlüyünə qarşı həqarətdir:

"Bizim təşkilat birmənalı olaraq bəyan edir ki, Fransa dövləti rəsmisinin atdığı bu addım bütün dünyanın qəbul etidyi Azərbaycannın ərazi bütövlüyünə qarşı çıxmaqdır. BMT də daxil olmaqla, elə Fransa dövlətiinin özü də Azərbaycanın ərazi bütövlüyünü tanıyır və Şuşa şəhərinin Azərbaycan dövlətinə aid olduğunu bəyan edib. Həmçinin də Fransa dövləti ATƏT-in Minsk Qrupunun həmsədri olan dövlətdir. 22 ildir bu münaqişəni sülh yolu ilə həll etməyə çalışır. Belə bir vəziyyətdə nə haqla Fransa ATƏT-in Minsk Qrupunda təmsil oluna bilər?! Artıq Fransa dövləti açıq şəkildə ermənilərə olan sevgisini ortaya qoyur. Bu hadisədən sonra Fransa Minsk Qrupunda təmsilçilik hüququnu, Azərbaycan xalqı qarşısında öz inamını itirmiş olur. Bu hadisəni sükutla qarşılaya bilmərik. Dövlətimiz baş verən hadisəyə kəskin etirazını bildirməlidir. Fransa dövlətinə nota verilməlidir. Azərbaycan cəmiyyəti də Fransa dövlətinə qarşı öz etirazını bildirməlidir. Fransa dövləti bilməlidir ki, bu addımı ilə Azərbaycan xalqının etibar və inamını itirmiş olur".