Ana səhifə Toplum |
Ölkə üzrə bir çox mağazalarda vaxtı ötmüş məhsulların əhaliyə satıldığı aşkar edilib.
İqtisadiyyat və Sənaye Nazirliyindən Axar.az-a verilən məlumata görə, nazirlik yanında Anti-inhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinq keçirilib.
Monitorinq zamanı Sumqayıtda Afaq Piriyevaya, 27/10 ünvanında yerləşən Ramiz Rəhimova, M.Hüseynzadə küçəsində Günay Məmmədovaya, Sabunçu rayonu Bakıxanov qəsəbəsində Yeganə Abdulqədirovaya, Lumuzər Namazovaya və Məmməd İsmayılova məxsus mağazalarda vaxtı ötmüş məhsullar aşklar edilib.
Həmçinin, Zaqatala şəhərində V.İsmayılov küçəsi, 44 ünvanında Şahid Salamova məxsus mağazada normativ-texniki sənədlərin tələblərinə uyğun olmayan mallar müəyyən edilib. Bakının Xətai rayonunda Zığ yolu, 12A ünvanında Əlizamin Şükürova məxsus mağazada, Gəncə şəhərində üç ayrı şəxsə, Qubada isə 2 ayrı şəxsə məxsus mağazalarda istifadə müddəti keçmiş məhsullar aşkar edilərək götürülüb.
Şirvan şəhərində isə Füzuli adına Mədəniyyət və istirahət parkında Fərhad Həziyevə məxsus yeməkxanada vaxtı ötmüş qida məhsullarından istifadə edildiyi müəyyən edilib.
Qanun pozuntusuna yol vermiş şəxslər barəsində İnzibati Xətalar Məcəlləsinə uyğun olaraq inzibati cərimələr tətbiq olunacaq.
Nazirlik xahiş edir ki, istifadə müddəti ötmüş, keyfiyyətsiz malların satışı halları ilə rastlaşdıqda 498-15-01 və 498-15-04 nömrəli telefonlarla Anti-inhisar Siyasəti və İstehlakçıların Hüquqlarının Müdafiəsi Dövlət Xidməti və İqtisadiyyat və Sənaye Nazirliyinin 195-2 Məlumat Mərkəzinə xəbər versinlər.
Tarix
2014.10.24 / 12:20
|
Müəllif
Nigar İxtiyarqızı
|