Dünən ölkə mediasının ciddi və populyar saytlarından biri hesab edilən Axar.az özünün 1 yaşını qeyd edib.

Tədbir "Neon" şadlıq sarayında baş tutub.

Tədbiri giriş sözüylə açan saytın baş redaktoru Anar Niftəliyev bu günə qədər saytın keçdiyi əziyyətli yolla bağlı qonaqları məlumatlandırıb. O, bu keşməkeşli yolda onunla bir yerdə olan saytın kollektivinə və saytın təsisçisi Aynur Camalqızına minnətdarlığını bildirib. Baş redaktor həmçinin Axar.az-ın uğur qazanmasını kollektivin gecə-gündüz yorulmadan çalışması və peşəkarlılqla əsaslandırıb. A.Niftəliyev həmçinin yarandığı gündən etibarən Axar.az-a dəstəyini əsirgəməyən "Musavat.com", "Qaynar.info", "Aznews.az" saytlarına və onların rəhbərlərinə minnətdarlığını bildirib.

"Gündəlik Teleqraf" MMC-nin rəhbəri Aynur Camalqızının təbrik nitqindən sonra söz qonaqlara verilib.
Tədbirdə baş redaktorlar Xalid Kazımlı, Salam Sarvan, Şəmşad Ağa, Anar Yusifoğlu, Elçin Zahiroğlu, Taleh Şahsuvarlı, Amil Hacıyev, Zahid Nurəliyev, Telman Məmmədli, saytın ilk əməkdaşlarından olan yazar Sona Yaqubova, həmçinin Niyaməddin Orduxanlı və digərləri Axar.az-ı təbrik edib, qısa müddətdə ölkənin sayılıb-seçilən saytına çevrilən, ciddi uğurlara imza atan xəbər portalına daha böyük uğurlar arzulayıblar.

Saytın redaktoru Pərviz Cəbrayıl öz çıxışında ən böyük uğurlarının belə səmimi ailə kollektivi yarada bildikləri olduğunu bildirib.

Tədbir boyunca müxtəlif interaktiv oyunlar keçirilib. Qaliblərə hədiyyələr verilib.

Daha sonra isə Aynur xanım Axar.az-ın 1 yaşı üçün hazırlanmış tortu kollektivin və qonaqların iştirakı ilə kəsib.