Ana səhifə Toplum |
"Azəriqaz" İB-də əməkdaşları üçün Türk Standartları İnstitutunun "Müştəri məmnuniyyəti" beynəlxalq standartı üzrə təlim-seminar keçirilir.
Azərbaycan Dövlət Neft Şirkətindən Axar.az-a verilən məlumata görə, "Müştəri məmnuniyyəti" standartının tətbiqi üzrə təlim-seminara "Azəriqaz"ın 90 əməkdaşı cəlb olunacaq. Təlim "Azəriqaz" İstehsalat Birliyində idarəetmə aparatının, region və şəhər qaz istismar sahələrinin struktur bölmə rəhbərləri və baş mütəxəssisləri üçün keçiriləcək.
Türk Standartları İnstitutunun əməkdaşı Dilek Gürsoy tərəfindən aparılan altıgünlük təlimlərdə birliyin 59 struktur bölməsindən mütəxəssislərin iştirakı nəzərdə tutulur.
"Müştəri məmnuniyyəti" beynəlxalq standartının tətbiq edilməsi və müvafiq sertifikatın alınması "Azəriqaz" İstehsalat Birliyinin regionda qabaqcıl müəssisə kimi fəaliyyətini davam etdirməsi məqsədi daşıyır. Standartın tətbiqi istehlakçıların şikayətlərinin dinlənilməsi və cavablandırılması, təhlil edilməsi və nəticə etibarilə müştəri məmnuniyyətinin qazanılması üçün daha geniş imkanlar yaradacaq.
Tarix
2014.11.06 / 17:02
|
Müəllif
Nigar İxtiyarqızı
|