Azərbaycanda istehsal edilən daha bir hərbi gəmi ölkə sərhədlərinin müdafiəsinə başlayıb.

Dövlət Sərhəd Xidmətinin gəmi inşası və təmiri mərkəzində inşa edilən və ən müasir silahlarla təchiz edilən ''Tufan'' tipli sərhədçi gəmisi bir çox üstünlükləri ilə diqqət çəkir. Bu gün Xəzər TV əməkdaşları yeni istismara verilən həmin gəmi ilə tanış olub, üstünlükləri ilə maraqlanıb.

Müxtəlif təyinatlı silah sursat, ən müasir radio rabitə avadanlıqları ilə təchiz edilmiş Azərbaycan gəmisi!

Bu gəmi rahat manevr və qısa zamanda sürətlənmə imkanları ilə də sələflərindən seçilir.

Gəmi ən müasir rabitə avadanlıqları ilə təchiz edildiyindən həm birgə əməliyyatların, həm də fərdi əməliyyatlarının icrası zamanı əvəzsiz rol oynar.

Gəmidə səxsi heyyətin rahat istirahəti üçün tam təchizatlı otaqlar hazırlanıb və hər bir otağın tərkibində sanitar qovşaq mövcuddur. Eyni zamanda daxili havalandırma sistemi ilə gəmidəki tempraturu hər zaman stabil saxlamaq mümkün olur.

Qeyd edək ki, Xəzər dənizində Azərbaycana məxsus 6 ''Tufan'' tipli gəmi üzür.