Bu gün Milli Məclisin yaz sessiyasının plenar iclası keçirilib.

Axar.az xəbər verir ki, spiker Oqtay Əsədov Türkiyə parlamentinin təşəbbüsü ilə Azərbaycan Xalq Cümhuriyyətinin və Azərbaycan parlamentinin 100 illiyi ilə bağlı pul sikkəsi buraxıldığını deyib.

Spiker Milli Məclis adından Türkiyə Böyük Millət Məclisinin sədri Binəli Yıdırıma təşəkkür edib:

“Biz bu addıma görə Binəli Yıldırıma təşəkkür edirik”.

Oqtay Əsədov Azərbaycan Prezidentinin sərəncamı ilə yeni yaradılan Sosial Təhqiqatlar Mərkəzinin İdarə Heyətinin sədri vəzifəsinə Zahid Orucun təyin edildiyini xatırladaraq, bu münasibətlə millət vəkilini təbrik edib.