Ana səhifə Toplum |
Bakıda bir gecədə dörd ev yanıb.
Axar.az FHN-in rəsmi saytına istinadən xəbər verir ki, Bakı şəhəri, Səbail rayonunda vətəndaşa məxsus ümumi sahəsi 150 kv.m olan 1 mərtəbəli 8 otaqlı evin 1 otağının və dam örtüyünün yanar konstruksiyaları 22 kv.m sahədə yanıb. Evin qalan hissəsi və bitişik evlər yanğından mühafizə olunub. Yanğın saat 04:45-də yanğınsöndürənlər tərəfindən söndürülüb.
Binəqədi rayonunda ikimərtəbəli yaşayış binasının 1-ci mərtəbəsində vətəndaşa məxsus ümumi sahəsi 72 kv.m olan 2 otaqlı mənzilin dəhlizində döşəmə 4 kv.m sahədə yanıb. Yüksək temperaturdan televizor deformasiyaya uğrayıb. Mənzilin qalan hissəsi yanğından mühafizə olunub. Yanğın saat 07:14-də yanğınsöndürənlər tərəfindən söndürülüb.
Suraxanı rayonunda vətəndaşa məxsus ümumi sahəsi 50 kv.m olan birmərtəbəli 2 otaqlı evin yanar konstruksiyaları yanıb. Yaxınlıqdakı tikililər yanğından mühafizə olunub. Yanğın saat 04:45-də yanğınsöndürənlər tərəfindən söndürülüb.
Sabunçu rayonunda vətəndaşa məxsus ümumi sahəsi 100 kv.m olan birmərtəbəli 3 otaqlı evin 2 otağının yanar konstruksiyaları 50 kv.m və dam örtüyü 10 kv.m sahədə yanıb. Evin qalan hissəsi və ona bitişik ev yanğından mühafizə olunub. Yanğın saat 00:13-də yanğınsöndürənlər tərəfindən söndürülüb.
Tarix
2014.12.03 / 10:11
|
Müəllif
Axar.az
|