Ötən gün Siyəzən rayonunda əsən güclü külək bir sıra fəsadlar törədib.

Siyəzən rayon İcra Hakimiyyətinin Fövqəladə Hallar Komissiyasından (FHK) APA-ya verilən məlumata görə, güclü külək rayona elektrik enerjisinin verilməsində fasilələr yaradıb.

Güclü külək nəticəsində Siyəzən 4 nömrəli və Qozağacı kənd orta məktəblərinin dam örtüyü uçub. Bundan əlavə, rayonun Beşdam, Kiçik Həmyə, Qozağacı və Qalaşıxı kəndlərinə bir neçə yaşayış evinin damı və hasarını külək uçurub.

Siyəzən FHK-nın sədri Zəfər Əliyevin verdiyi məlumata görə, küləyin fəsadları ilə bağlı baxış keçirilib. Dəymiş ziyanın aradan qaldırılması istiqamətində işlər aparılır.