13:16

Bakıda səfirin kartından pul oğurlanıb.

Axar.az Daxili İşlər Nazirliyinin saytına istinadən verdiyi məlumata görə, dekabrın 8-də Azərbaycan Beynəlxalq Bankının Bank Fəaliyyətinin Təhlükəsizliyini təmin edən əməkdaşı Nəsimi Rayon Polis İdarəsinə müraciət edərək iyun ayının 1-dən avqust ayının 18-dək olan müddətdə Küveytin Azərbaycandakı səfirinin bank kartından 22484 ABŞ dollarının silindiyini bildirib.

Nəsimi Rayon Polis İdarəsinin əməkdaşlarının həyata keçirdikləri əməliyyat-axtarış tədbirləri nəticəsində pulun Küveyt səfirliyinin ictimai əlaqələr üzrə mütəxəsisi tərəfindən internet vasitəsi ilə oğurlanması müəyyən edilib.

Araşdırmalar aparılır.

13:30

Küveytin Azərbaycandakı səfirliyi səfir Səud Əbdüləziz Məhəmməd əl-Şəmlan əl-Ruminin hesabından külli miqdarda pul vəsaitinin mənimsənilməsi ilə bağlı məsələni Reporta-a şərh edib.

Səfirlikdən bildirilib ki, belə bir insident baş verib, lakin diplomatik nümayəndəlik bununla bağlı polisə müraciət etməyib.

Qeyd olunub ki, Azərbaycan Beynəlxalq Bankının müraciəti əsasında bu məsələ ilə Daxili İşlər Nazirliyi (DİN) məşğul olur. Banka müraciətdən sonra pulların səfirin hesabına qaytarıldığı da vurğulanıb:

"Bu məsələ ilə bağlı hər hansı bir səfirlik əməkdaşının həbs olunub-olunmaması haqqında məlumat yoxdur", - səfirlikdən bildirilib.