Yuxarı

Yaponlar Xəzərdə tədqiqatlara başlaya bilər

Ana səhifə Toplum
12 Punto 14 Punto 16 Punto 18 Punto

Yaponiyanın “OYO” şirkətinin vitse-prezidenti Toti Hakada, baş mühəndis Eiti Uoide və katibi Sumiuo Qgo Azərbaycan Milli Elmlər Akademiyası (AMEA) nəzdində Respublika Seysmoloji Xidmət Mərkəzinin (RSXM) baş direktoru, AMEA-nın müxbir üzvü, professor Qurban Yetirmişli ilə görüşüblər.

Mərkəzin informasiya şöbəsindən Axar.az-a verilən məlümata görə, görüşdə “OYO” şirkətinin Respublika Seysmoloji Xidmət Mərkəzi ilə uzun illərdən bəri əməkdaşlıq etdiyi və tərəflərin bu əlaqələrin daha da genişləndirilməsinə maraqlı olduqları vurğulanıb.

RSXM-in baş direktoru qonaqlara hazırda mərkəz tərəfindən aparılan tədqiqatlar barədə ətraflı məlumat verib. O, həmçinin ikitərəfli əlaqələrlə yanaşı, birgə regional layihələrin həyata keçirilməsinə dair təklif irəli sürüb. Qurban Yetirmişli birgə əməkdaşlığın tərəflər üçün faydalı olduğunu qeyd edib.

Müzakirələr zamanı Xəzər dənizində birgə seysmoloji tədqiqatların aparılması və mərkəzin dənizdibi seysmik stansiyalarının quraşdırılmasına yaponiyalı mütəxəssislər tərəfindən dəstək verilməsinə də toxunulub.

“OYO” şirkətinin vitse-prezidenti Toti Hakada Xəzər dənizində birgə əməkdaşlıqla bağlı təklifi müsbət qarşılayaraq bu istiqamətdə layihənin hazırlanmasının mümkün olduğunu deyib. Hazırda Yaponiyanın okeanda sualtı stansiyalarının fəaliyyət göstərdiyini bildirən qonaq Xəzər dənizində dənizdibi stansiyaların quraşdırılmasının Azərbaycanda aparılan seysmoloji tədqiqatların keyfiyyətinə də müsbət təsir göstərəcəyini deyib.

Görüşdə Toti Hakada RSXM-in baş direktorunu 2020-ci ilin sentyabrında Tokioda keçiriləcək Beynəlxalq Seysmoloji Simpoziuma dəvət edib. Qurban Yetirmişli dəvəti qəbul edib. Həmçinin tərəflər hazırda dünyada seysmoloji sahədə aparılan tədqiqatlarda istifadə edilən yeni cihazlar və texnologiyalara dair də fikir mübadiləsi aparıblar.

Tarix
2019.09.20 / 18:52
Müəllif
Axar.az
Digər xəbərlər

Bu yer atam tərəfindən ayrılıb - İlham Əliyev

Mirziyayev Əliyevi təbrik etdi: Böyük futbola bir addım... - Video

İlham Əliyev özbək həmkarı ilə görüşdən paylaşım etdi - Video

Rusiyada yaralı azərbaycanlı xəstəxanadan oğurlandı

AZAL təyyarəsinin vurulması ilə bağlı yeni təfərrüat

Hədəfdə Araz Ağalarovdur – Proses başladı

Göygöldə təcili yardım avtomobilinin şüşələri sındırıldı

Ukraynada azərbaycanlı yüksək vəzifəyə təyin olundu

Prezidentlər mətbuata bəyanatlarla çıxış etdi

Rusiya məhbuslarla konsulluq görüşlərini gecikdirir - Hacızadə

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla