İndi mənim təşəbbüsümlə nümunəvi həyətlər qurulur. Bütün həyətlər abadlaşdırılacaq və həyətlərdə bütün şərait yaradılacaq.

Axar.az xəbər verir ki, bu sözləri Prezident İlham Əliyev bu gün Atatürk parkının açılışında sakinlərlə görüşü zamanı deyib. Prezident bildirib ki, lift təsərrüfatı da yenilənir. Bu məqsədlə 40 milyon manat vəsait ayrılıb.

Daha sonra Prezident Bakı meri Eldar Əzizova deyib:

- İcra başçısı, məlumat ver, indiyədək neçə lift dəyişdirilib?

Eldar Əzizov məlumat verib ki, artıq 50 lift quraşdırılıb, ilin axırınadək 500-ə qədər olacaq.

Prezident vurğulayıb ki, bütün bunlar Bakının həm gözəlliyi, abadlığı, eyni zamanda, vətəndaşların rahatlığı üçündür:

“Biz bu işləri davam etdirəcəyik. Bakının hər bir guşəsi abad, gözəl olmalıdır. Vətəndaşlar üçün çox gözəl imkanlar yaradılmalıdır”.