Ana səhifə Toplum |
Bu gün Bakıda Türkiyənin Uşaq Oyunları və İdman Klubları Federasiyasının (ÇOSKF) təşkilatçılığı ilə tədbir tədbir keçirilib.
Teleqraf.com xəbər verir ki, tədbirdə Türkiyənin Bakıdakı səfiri Ərkan Özaral, Hilal İctimai Birliyinin sədri Arzuman Abdulkərimov, Azərbaycan Gənclər və İdman Nazirliyinin numayəndəsi Oruc Məmmədli, "Teleqraf" Media Qrupunun rəhbəri Aynur Camal, "Yeni Müsavat" qəzetinin baş redaktoru Rauf Arifoğlu, Azərbaycan Məktəb İdmanları Federasiyasının sədri, millət vəkili Sevinc Hüseynova, federasiyanın katibi Pərvin Mehdiyev, Türkiyə Uşaq Oyunları Federasiyasının sədri Məhməd Mutlu iştirak ediblər.
Tədbiri giriş sözü ilə açan Azərbaycan Məktəb İdmanalrı Federasiyasinın sədri, millət vəkili Sevinc Hüseynova bildirb ki, bu oyunun Azərbaycanda keçirilməsi təqdirəlayiqdir:
"Bu oyun usaqların idmana olan həvəs və maraqlarının artmasına, onların özünəqapanma kimi xüsusiyyətlərinin aradan qalxmasına şərait yaradacaq".
Gənclər və İdman Nazirliyinin numayəndəsi Oruc Məmmədli bu oyunların Türkiyə-Azərbaycan qardaşlığının daha da möhkəmlənməsinə sərait yaradacağını bildirib.
Türkiyə Uşaq Oyunları Federasiyasının sədri Məhməd Mutlu isə oyunların Bakıda keçirilməsinin davamlı olacağını deyib, təşkilati dəstək üçün Azərbaycan rəsmilərinə minnətdarlığını bildirib.
Çıxışlardan sonra Türkiyənin Bakıdakı səfiri Ərkan Özoral, Hilal İctimai Birliyinin sədri Arzuman Əbdülkərimov, Gənclər və İdman Nazirliyinin numayəndəsi Oruc Məmmədli, jurnalistlər Aygün Muradxanlı, Rauf Arifoğlu, millət vəkili Sevinc Hüseynovaya mükafatlar təqdim olunub.
Tarix
2019.10.17 / 20:49
|
Müəllif
Axar.az
|