Axar.az
Yuxarı

Əhalinin 43 faizi sığortadan məlumatsızdır - Sorğu

Ana səhifə Toplum
12 Punto 14 Punto 16 Punto 18 Punto

Vətəndaşların əksəriyyəti sosial sığorta haqqında ətraflı məlumatlandırılmağa ehtiyac duyur.

Dövlət Sosial Müdafiə Fondundan Axar.az-a verilən məlumata görə, Fondun keçirdiyi "Hansı məsələlər barədə daha ətraflı məlumatlandırılmağa ehtiyac duyursunuz" interaktiv sorğu başa çatıb.

Sorğuda iştirak edənlərin 42,83 faizi sosial sığorta haqqında ətraflı məlumatlandırılmağa ehtiyac duyduğunu bildirib. Respondentlərin 40,05 faizinin fikrincə, əmək pensiyaları haqqında ətraflı informasiyaya ehtiyac vardır. Rəy bildirənlərin 17,12 faizi isə fərdi uçot sistemi ilə bağlı ətraflı məlumat almaq istəyini ifadə edib.

Hazırda Azərbaycanda müasir avtomatlaşmış əsaslarla fəaliyyət göstərən sığorta-pensiya sistemi mövcuddur və informasiya texnologiyalarının uğurlu tətbiqi nəticəsində Dövlət Sosial Müdafiə Fondu (DSMF) tərəfindən əhaliyə təqdim olunan elektron xidmətlərin sayı daim genişləndirilir. "Elektron hökümət" portalının statistikasına əsasən, DSMF-nin göstərdiyi elektron xidmətlər ən çox istifadə olunan xidmətlər sırasında ilk yerləri tutur. 2014-cü ildə Fondun 6 yeni elektron xidməti aktivləşdirilərək, "Elektron hökumət" portalına əlavə edilib. İl ərzində Fondun həm öz saytı, həm də "Elektron hökumət portalı" və "Elektron ödəniş portalı" vasitəsilə əhaliyə təqdim etdiyi elektron xidmətlərdən ümumilikdə 1 milyon 380 min dəfəyə yaxın istifadə sayı qeydə alınıb.

Ötən dövr ərzində bütün zəruri işlər görülərək, məcburi dövlət sosial sığorta haqlarının ödənişi və hesabat sisteminin avtomatlaşdırılması tam başa çatdırılıb ki, bu da beynəlxalq təşkilatın reytinq göstəricisində öz əksini tapıb. Belə ki, "Doing Business 2015" hesabatına əsasən, Azərbaycan məcburi dövlət sosial sığorta haqlarının ödənişi və hesabat sisteminin avtomatlaşdırılması nəticəsində 32 pillə irəliləyib. Bu, ayrı-ayrı fəaliyyət istiqamətləri üzrə ən yüksək göstəricidir.

Qeyd edək ki, 2014-cü il 2 aprel tarixli Sərəncamla təsdiq edilən "Azərbaycan Respublikasında informasiya cəmiyyətinin inkişafına dair 2014-2020-ci illər üçün Milli Strategiya"ya uyğun olaraq, Fond müasir informasiya texnologiyalarından istifadə etməklə interaktiv və informativ elektron xidmətlər vasitəsilə əhalini maraqlandıran, sığorta-pensiya sisteminə aid bütün məsələlərə aydınlıq gətirir.

Bu məqsədlə 4 sayda mərkəzi, 16 sayda regional təqdimat keçirilib. Bakı şəhərinin müxtəlif yerlərində quraşdırılan monitor və banerlərdə sığorta-pensiya sisteminin fəaliyyətini əks etdirən reklam xarakterli məlumatlar yerləşdirilib. Həmçinin, əhalini DSMF-nin elektron xidmətlərindən istifadə etməyə çağıran sosial reklam çarxı hazırlanaraq telekanallarda yayımlanıb.

Tarix
2015.02.05 / 18:24
Müəllif
Nigar İxtiyarqızı
Şərhlər
Digər xəbərlər

DİM beynəlxalq imtahanlarla bağlı statistikanı açıqladı

Bakı polisinə yeni rəis təyin edildi

Ərizə və şikayətlərin qəbulu qaydası dəyişdirildi

Vasif Talıbov yaralı hərbçilərlə görüşdü

YAP İdarə Heyətinin iclası keçirildi

İlham Əliyev 2 sərəncam imzaladı

Bakıda yol qəzası tıxac yaratdı

Daha 28 ailə evlə təmin olundu

Şuşaya içməli suyun verilməsinə başlanıldı

Şuşada əsgərlərimizin düşmənlə üzbəüz döyüşü - Video

KULT
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla