Ana səhifə Toplum |
Masallıda güclü yanğın hadisəsi baş verib.
APA-nın məlumatına görə, hadisə fevralın 21-də saat 23.00-da
"Embavud"mebel istehsalı fabrikinə məxsus anbarda qeydə alınıb.
Hadisə yerinə dərhal Fövqəladə Hallar Nazirliyinin (FHN) Masallı
Rayon Yanğından Mühafizə Hissəsinin 3 yanğınsöndürən maşını və
canlı qüvvəsi göndərilib.
Lakin yanğın şiddətləndiyindən və əhatə dairəsi getdikcə
genişləndiyindən qonşu Lənkəran, Cəlilabad, Biləsuvar
rayonlarından, həmçinin Göytəpə şəhərindən hadisə yerinə əlavə
olaraq yanğınsöndürən briqadalar cəlb edilib.
Yanğını lokallaşdırmaq hələlik mümkün olmayıb.
Yanğının böyük bir ərazini əhatə etdiyi və müəssisəyə xeyli ziyanın
dəydiyi bildirilir.
FHN də hadisə barədə məlumat yayıb. Nazirlikdən verilən məlumatda
bildirilir ki, Masallı şəhərində "Embawood" mebel istehsalı
fabrikinə məxsus anbarda yanğın baş verib.
FHN-in Dövlət Yanğından Mühafizə Xidmətinin yanğınsöndürənləri
hadisə yerinə cəlb edilib və aidiyyəti qurumlar məlumatlandırılıb.
Hazırda yanğın davam edir.
Əlavə məlumat veriləcək.
Tarix
2015.02.22 / 12:15
|
Müəllif
Axar.az
|