Ana səhifə Toplum |
Karantin rejiminin tələblərinə görə, vətəndaşlara zəruri hallarda evdən çıxmağa icazə verilib. Vətəndaşların evdən çıxmalarının səbəbinin bəlli olması üçün işlər hazırlanıb.
Axar.az xəbər verir ki, bu sözləri DİN Baş İctimai Təhlükəsizlik İdarəsinin rəis müavini Əziz Baqişev Nazirlər Kabineti yanında Operativ Qərargahın keçirdiyi mətbuat konfransında deyib.
"Vətəndaşlar evdən çıxmazdan əvvəl elektron nömrəyə zəng edərək xəbər verib, evdən çıxma səbəblərini bildirəcəklər. Küçədə isə polis əməkdaşlarına şəxsiyyət vəsiqələrini təqdim edəcək və polis elektron sistemdə onun kimliyini müəyyənləşdirəcək. Əgər vətəndaş səbəbsiz çıxıbsa, karantin qaydalarının pozulması kimi qiymətləndiriləcəkdir", - Ə.Baqişev deyib.
Nazirlər Kabinetinin mətbuat xidmətinin rəhbəri İbrahim Məmmədov isə bildirib ki, hazırda bu sənəd üzərində işlənir. Yaxın zamanda təqdim olunacaq.
Tarix
2020.04.02 / 11:57
|
Müəllif
Axar.az
|