Yuxarı

Deputatlar maaşlarının azalmasına razıdırlarmı?

Ana səhifə Toplum
12 Punto 14 Punto 16 Punto 18 Punto

Yaponiya parlamentinin deputatları koronavirus səbəbindən gəlirləri azalan vətəndaşlarla həmrəylik üçün öz maaşlarını 1 il müddətində 20 faiz azaltmaq barədə razılığa gəliblər. Maraqlıdır, bəs Azərbaycanda deputatlar 2 aylıq maaşlarının 20 faizindən büdcənin xeyrinə imtina edə bilərlərmi?

Axar.az məsələ ilə bağlı Milli Məclisin deputatları arasında keçirdiyi sorğunu təqdim edir.

Aydın Mirzəzadə:

Hesab edirəm ki, bu mürəkkəb dövrdə deputatların maaşı azaldıla bilər. Mən bu təklifi dəstəkləyirəm və seçicilərimizə dəstəyin tərəfdarıyam.

Azər Badamov:

Azərbaycan müstəqil ölkədir və bütün qərarlar da müstəqil qəbul olunur. Hansısa ölkənin parlamenti hər hansı bir addım atırsa, biz mütləq şəkildə onu təkrar etməməliyik. Azərbaycan deputatları əmək haqqının 50 faizinə qədərini Koronavirusla Mübarizəyə Dəstək Fonduna ianə ediblər və ehtiyac yarandığı halda yenə ianələr etməyə hazırdırlar.

Hikmət Babaoğlu:

Bizim millət vəkilləri onsuz da sosial yardımlaşma kampaniyasında fəal iştirak edirlər. Koronavirusla Mübarizəyə Dəstək Fonduna maaşlarının bir hissəsini köçürüblər. Üstəlik, öz seçki dairələri üzrə də vaxtaşırı aztəminatlı ailələrə ərzaq və digər gündəlik istehlak malları vasitələrilə yardım edirlər. Nəzərə almaq lazımdır ki, bütün bunlar cəmiyyətimizdə yüksək qiymətləndirilir və təqdirlə qarşılanır. Düşünürəm ki, bunlar bizim millət vəkilləri tərəfindən yaradılan və başqa ölkələrə örnək ola biləcək yaxşı təcrübədir. Bununla belə, mən yenə də istənilən xeyirxah təşəbbüsə qoşulmağa hazıram.

Ceyhun Məmmədov:

Bildiyiniz kimi, Azərbaycan hökuməti virusun yayılması səbəbindən yaranan problemlərin aradan qaldırılması üçün ilk gündən operativ və adekvat qərarlar qəbul etdi. Cənab Prezidentin bir neçə mühüm sərəncamı oldu, ölkəmizdə Koronavirusla Mübarizəyə Dəstək Fondu yaradıldı. Prezident İlham Əliyev, Birinci vitse-prezident Mehriban xanım Əliyeva maaşlarını bu fonda ianə etdilər. Milli Məclisin bütün deputatları da bu təşəbbüsə qoşularaq könüllü surətdə öz maaşlarından müxtəlif məbləğlərdə ianələr etdilər. Bu gün də onlar xalqla birlik və həmrəylik nümayiş etdirərək, müxtəlif aksiyalar çərçivəsində dəstəklərini davam etdirirlər. Hesab edirəm ki, ölkə rəhbərliyi dövlətimizin bu prosesdən minimum itki ilə çıxması üçün gərəkən bütün addımları atır. Deputatlarımız da üzərlərinə düşən vəzifələri layiqincə yerinə yetirir və gələcəkdə də yetirəcəklər.

Tarix
2020.04.14 / 16:07
Müəllif
Nərmin Əkbərli
Şərhlər
Digər xəbərlər

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla